أبومهند العيسابي
قريتنا قرية هادئة تتوسد نهر النيل بسيطة
في (كل شئ) طبيعتها ،، ناسها ،،، بيوتها ،،، مدارسها ،، سوقها،، الخ ،،،،
كل شئ فيها يأخذ من بساطة أهلها وطيبتهم ،،،
تخرج في الصباح الباكر فترى أهلها الطيبين خارجين إلى مزارعهم ،،، يحيونك بكل بشاشة
والإبتسامة لاتفارقهم (كيفنك ودالعيسابي ،، عساك أصبح طيب ) ،،، وترى طلاب المدارس ذاهبون في الطرقات وفي عيونهم براءة الأطفال ،، هكذا الحياة في الريف بسيطة دون (تعقيد) ،،،،،،،،،
في الصباح تذهب لضفاف النيل ،،،، فتملأ عينك من مناظره الطبيعية الخلابة ،، ريحة اللوبيا ،، والطرفه ،،، والمراكب والخضرة التي تمتد على مد البصر ،،، وصورها شاعرنا بقوله :
تقعد تحش اللوبي للكاويق تقش ،،،
بعدين تنزل البحر الموج يداعبها فوق هدوما ينط يرش ،،،
.....................
إتربيت في أقصى الشمال في قرية عادية ،،
بقراصة بسبروق وجقمة موية طينية ،،،،،
إنك سامعة بالسودان وبخضرو الطبيعية ،،،
بالأبنوس وسن الفيل وغابات إستوائية ،،،،
....................
في المساء تخرج وتجلس على الرمل ،،، في ضوء القمر الساطع ،، والهواء النقي العليل المنعش الملامس لمياه النيل ،،، ونتجاذب أطراف الحديث ،، أهم مواضيعهم بقرة ودمحمدأحمد الراحت وبعدين لقاها (ميته) ليه قالو أكلت وإنتفخت من اللوبيا في الجروف ،،، عقد ودسعيد بعد الجمعة في الجامع قالوا داير يعرس بت شيخ البلد ،،،
حتى الونسة (بسيطة ) تحكي عن حصاد أخبار القرية في اليوم ،،،،،،،،،،
................
قريتنا دخلت العولمة ،،، وزي ما العالم بقى قرية واحدة ،، صارت قرية تلامس البيت الأبيض في واشنطن ،، وكتف بكتف مع جزر الهاواي ،،،
ما العالم صار واحد ،،،
...........
تغير نمط الحياة ظهرت الأطباق الفضائية فوق سطوح البيوت ،،،، تسمم هواؤها النقئ المنعش ،،، تغيرت الحكايات من بقرة محمدأحمد إلى إنهيار النظام المالي العالمي ،،، وبورصة طوكيو اليوم إرتفعت ،، وسوزان تميم أمس إنتحرت ،،، وجزر تيمور إنفصلت ،،، حكومة نواكشط الليلة إنقلبت ،،،، غزت قريتنا ثقافة الدش ،،، والانترنت و ال DSL
بعدما كان ودإبراهيم يسمع الخبر خامس يوم وسابع يوم من الخرتـوم تجيهو رسالة في الحال في موبايلو(الموخمج) ،، نحنا في مقابر أحمد شرفي ندفن في جنا ناس كبوش ،،،، دي (صـــــورة) يا جدي مرسولة ليك عبر الوسائط المتعددة (ولدك عثمان ماسك شباك النبي في مدينة الرسول) متين مسكو؟؟؟؟؟
قبل شهرين ؟؟؟؟؟؟؟؟؟؟ لا ياجدي (دي على الهواء مباشرالآن ) !!!
...................
مشيت السوق لالقيت (جرم مفروش لابروش،،، لانبق ،،، لاحلاوة مولد ) محلها (التسالي مقرطس إسمو لب مصري ،،، الشكولاته مبردة إستيراد إيطاليا ) الخ ،،،،،،،،،،،،،،،،،،
.............
وما أدهشني محل مطعم ودحماد وجدت (علامة ماكدونالز ،، مع رقم موحد لتوصيل الطلبات) دخلت أبحث عن دجاج ماكدونالز الأمريكي ،، ودهشت عندما وجدت جرة فول مع زيت سمسم والسلطة الخضراْ ،،، سألت (ودحماد) والدهشة لاتفارقني ياعم ودحماد وينو الماكدونالز المكتوب علامتو في باب مطعمك ،،،، قال لي ياولدي مكننوز شنو ،، إنت كل يوم مابتقرأ من برة (كبريت التمساح ،، كبريت التمساح) حصل فتحت العلبة لقيت تمساح ؟؟؟؟؟؟؟؟؟؟؟ دي مجاراة للعلمنة والعولمة والشقلبة ياولدي ،،،، لانو كل شئ بقى (بالمقلوب ) في زمنكم دا ،،،،،،،،، الله يكفينا شره ،،، قلت له المقلوب شنو؟؟؟ قال لي الرشوة بقت يسموها (تساهيل ) والربا (تمويل) والسرقة (إتطورت من النهب المسلح إلى النهب المصلح) ،،،،،، والكذب ( ألوان ) والناس (كيمان) والفتاوى تفصل بمقاس (السلطان ) ووووووووووووووووو (ومن ليس معنا فهو ضدنا ) ،،،،،،
خرجت من (ودحماد) وهو يتمتم الله يكفينا شر الزمن دا ؟؟؟؟ وأنا أتمتم بآمين آمين آمين ،،،،،،،،نواصل إن كان في العمر بقية ،،،،
في (كل شئ) طبيعتها ،، ناسها ،،، بيوتها ،،، مدارسها ،، سوقها،، الخ ،،،،
كل شئ فيها يأخذ من بساطة أهلها وطيبتهم ،،،
تخرج في الصباح الباكر فترى أهلها الطيبين خارجين إلى مزارعهم ،،، يحيونك بكل بشاشة
والإبتسامة لاتفارقهم (كيفنك ودالعيسابي ،، عساك أصبح طيب ) ،،، وترى طلاب المدارس ذاهبون في الطرقات وفي عيونهم براءة الأطفال ،، هكذا الحياة في الريف بسيطة دون (تعقيد) ،،،،،،،،،
في الصباح تذهب لضفاف النيل ،،،، فتملأ عينك من مناظره الطبيعية الخلابة ،، ريحة اللوبيا ،، والطرفه ،،، والمراكب والخضرة التي تمتد على مد البصر ،،، وصورها شاعرنا بقوله :
تقعد تحش اللوبي للكاويق تقش ،،،
بعدين تنزل البحر الموج يداعبها فوق هدوما ينط يرش ،،،
.....................
إتربيت في أقصى الشمال في قرية عادية ،،
بقراصة بسبروق وجقمة موية طينية ،،،،،
إنك سامعة بالسودان وبخضرو الطبيعية ،،،
بالأبنوس وسن الفيل وغابات إستوائية ،،،،
....................
في المساء تخرج وتجلس على الرمل ،،، في ضوء القمر الساطع ،، والهواء النقي العليل المنعش الملامس لمياه النيل ،،، ونتجاذب أطراف الحديث ،، أهم مواضيعهم بقرة ودمحمدأحمد الراحت وبعدين لقاها (ميته) ليه قالو أكلت وإنتفخت من اللوبيا في الجروف ،،، عقد ودسعيد بعد الجمعة في الجامع قالوا داير يعرس بت شيخ البلد ،،،
حتى الونسة (بسيطة ) تحكي عن حصاد أخبار القرية في اليوم ،،،،،،،،،،
................
قريتنا دخلت العولمة ،،، وزي ما العالم بقى قرية واحدة ،، صارت قرية تلامس البيت الأبيض في واشنطن ،، وكتف بكتف مع جزر الهاواي ،،،
ما العالم صار واحد ،،،
...........
تغير نمط الحياة ظهرت الأطباق الفضائية فوق سطوح البيوت ،،،، تسمم هواؤها النقئ المنعش ،،، تغيرت الحكايات من بقرة محمدأحمد إلى إنهيار النظام المالي العالمي ،،، وبورصة طوكيو اليوم إرتفعت ،، وسوزان تميم أمس إنتحرت ،،، وجزر تيمور إنفصلت ،،، حكومة نواكشط الليلة إنقلبت ،،،، غزت قريتنا ثقافة الدش ،،، والانترنت و ال DSL
بعدما كان ودإبراهيم يسمع الخبر خامس يوم وسابع يوم من الخرتـوم تجيهو رسالة في الحال في موبايلو(الموخمج) ،، نحنا في مقابر أحمد شرفي ندفن في جنا ناس كبوش ،،،، دي (صـــــورة) يا جدي مرسولة ليك عبر الوسائط المتعددة (ولدك عثمان ماسك شباك النبي في مدينة الرسول) متين مسكو؟؟؟؟؟
قبل شهرين ؟؟؟؟؟؟؟؟؟؟ لا ياجدي (دي على الهواء مباشرالآن ) !!!
...................
مشيت السوق لالقيت (جرم مفروش لابروش،،، لانبق ،،، لاحلاوة مولد ) محلها (التسالي مقرطس إسمو لب مصري ،،، الشكولاته مبردة إستيراد إيطاليا ) الخ ،،،،،،،،،،،،،،،،،،
.............
وما أدهشني محل مطعم ودحماد وجدت (علامة ماكدونالز ،، مع رقم موحد لتوصيل الطلبات) دخلت أبحث عن دجاج ماكدونالز الأمريكي ،، ودهشت عندما وجدت جرة فول مع زيت سمسم والسلطة الخضراْ ،،، سألت (ودحماد) والدهشة لاتفارقني ياعم ودحماد وينو الماكدونالز المكتوب علامتو في باب مطعمك ،،،، قال لي ياولدي مكننوز شنو ،، إنت كل يوم مابتقرأ من برة (كبريت التمساح ،، كبريت التمساح) حصل فتحت العلبة لقيت تمساح ؟؟؟؟؟؟؟؟؟؟؟ دي مجاراة للعلمنة والعولمة والشقلبة ياولدي ،،،، لانو كل شئ بقى (بالمقلوب ) في زمنكم دا ،،،،،،،،، الله يكفينا شره ،،، قلت له المقلوب شنو؟؟؟ قال لي الرشوة بقت يسموها (تساهيل ) والربا (تمويل) والسرقة (إتطورت من النهب المسلح إلى النهب المصلح) ،،،،،، والكذب ( ألوان ) والناس (كيمان) والفتاوى تفصل بمقاس (السلطان ) ووووووووووووووووو (ومن ليس معنا فهو ضدنا ) ،،،،،،
خرجت من (ودحماد) وهو يتمتم الله يكفينا شر الزمن دا ؟؟؟؟ وأنا أتمتم بآمين آمين آمين ،،،،،،،،نواصل إن كان في العمر بقية ،،،،
ليست هناك تعليقات:
إرسال تعليق